Da Hu? • Marso 16-31, 2023

ni Vuvü at Eng Eng

Liza Soberano, inaming may tampo kay Ogie Diaz

	Liza Soberano (Photo credit: Liza’s Instagram)

Naglabas na ng kaniyang saloobin si Liza Soberano tungkol sa dati niyang manager na si Ogie Diaz. Sinabi niyang hindi totoo ang mga akusasyon laban sa kaniya.

Ayon kay Liza, naging maayos naman ang pagtatapos ng kontrata niya kay Ogie at wala silang naging away.

Sa episode ng Fast Talk ni Boy Abunda nitong March 13, sinabi niyang natapos naman iyong kontrata nila ng dating manager nang tama, nang maayos, nang hindi sila magkaaway, “Super nagkakaintindihan po kami,” ani Liza.

“Ang pagkakaintindi ko po suportado siya sa lahat ng gusto ko, ako rin naman po ganoon towards him,” patuloy niya.

Ayon pa kay Liza, sinuportahan pa raw ni Ogie ang plano niyang lumipat sa bagong management.

“Noong una natakot po ako sabihin sa kaniya na hindi na ako magre-renew, but his response was very supportive and understanding,” sabi pa ni Liza.

“So ngayon, nagtatampo po ako sa kaniya because he is saying so many things that are untrue,” sambit ng dalaga. “Why is he trying to say things to make people turn against me?”

Ilan sa mga kasinungalingan daw ni Ogie ay ang di umano’y hindi na pagkuha nito ng komisyon sa kaniya sa nakalipas na dalawang taon.

Ayon pa kay Liza, may natatanggap pang komisyon si Ogie mula umano sa ilan niyang endorsement. Pero nararapat naman daw itong makuha ng dati niyang manager.

Nang tanungin ni Boy si Liza kung nakipag-usap na ba siya kay Ogie, sinabi ng aktres na idinaan ng dati niyang manager sa YouTube vlogs nito ang mga sinasabi laban sa kaniya kaya wala na siyang makitang dahilan para sila mag-usap.

“Anak pa man din ‘yung tawag niya sa akin, gagawin niya ba iyon sa mga anak niya?” ani Liza. “Would he have done that to his five daughters?”

Ayon kay Liza, mas mabuti raw sana kung kinausap siya ng dati niyang manager ng pribado sa halip na idinaan sa vlogs.

“Parang hindi niya ako anak kahit anak ‘yung tawag niya sa akin because he’s treating me like everyone else in the industry,” pahayag ni Liza.

Aktor, sawang sawa na sa ikot ng kaniyang mundo

Maraming kuwentong naglulutangan ngayon tungkol sa isang pamosong aktor na mukhang minamadali ang buhay ng kaniyang career. Hindi na pala bago ang mga ipinakikita niya ngayon dahil noon pa man ay ramdam na ng kaniyang mga katrabaho ang pagkaburyong.

 Sabi ng mga ito ay parang sawang-sawa na siya sa ikot ng kaniyang mundo, pinanghihinawahan na niya ang rutina ng kaniyang buhay sa araw-araw, sinok na sinok na ang magaling na aktor sa palaging ganoon lang na sistema ng kaniyang buhay at career.

 Sabi ng isang source, “Palagi siyang bumubuntong-hininga. E, di ba, sign iyon ng pagkabagot? Sign iyon ng pagkainip at pagsasawa na sa mga ginagawa niya?

 “Kunwari, nasa taping or shooting na siya, matagal muna siyang mauupo, mag-iisip, parang ninanamnam muna niya ang time. Tapos, parang tamad na tamad na siyang gagalaw, buntong-hininga siya agad.

 “Parang kinatatamaran na niya ang cycle ng buhay niya. Gusto niyang magtrabaho, pero parang kumokontra na ang utak niya sa mga ginagawa niya. Kaya palaging mainit ang ulo niya.

 “May nagpayo na sa kaniya noon na magbakasyon muna. Iba pa rin kasi iyong aalis muna siya, magpapahinga at mamamasytal sa ibang bansa, para pagbalik niya, e, para siyang baong tao na punumpuno na uli ng energy sa pagtatrabaho niya.

 “Pero hindi niya naman iyon ginagawa, parang deadma lang siya, kaya affected noon ang work niya. Nabuburyong siya, buntong-hininga siya nang buntong-hininga,” kuwento ng aming mapagkakatiwalaang source.

 Napakaaga naman kasing humarap sa mga camera ng sikat at magaling na aktor. Parang hindi niya na-enjoy ang pagiging normal na bagets niya. Trabahong-kalabaw agad ang inasikaso niya lalo na’t nalinya pa siya sa drama.

 “Ang feeling kasi niya, e, kawawang-kawawa na siya. Parang robot na ang tingin niya sa sarili niya. Ganoon ang madalas na nangyayari sa mga artistang sikat at maraming work.

 “Kinaaawaan nila ang sarili nila, ikino-compare nila ang sarili nila sa mga taong malayang nagagawa ang gusto nila. Feeling nila, e, para na silang makinang gamit na gamit na,” kuwento pa rin ng aming impormante.

 Kaya hindi na bago para sa mga katrabaho niya ang mga ginagawa ngayon ng sikat at magaling na aktor. Ito na ang manipestasyon ng matagal na niyang gustong mangyari–ang maging malaya siya.

 Da Hu ang aktor na ito?

 Hula na!