• Krosword ni Gerry Gamurot
    Eh Kasi, Pinoy!

    Krosword

    ni Gerry Gamurot
  • Building Science by Norman Aceron Garcia
    Features

    Building Science

    by Norman Aceron Garcia

Published on

Kapalaran • Abril 16-30, 2017

Aries (March 21 – April 19)

Magandang oportunidad ang nakalaan sa iyo ngayong buwan. Kung may nawala man, may kapalit agad iyon. Kung single ka, huwag mong ibababa ang pamantayan mo sa magiging kasama mo habangbuhay. May darating na pusong tamang-tama sa iyo. OK ang ika-16, 24 at 25. Ingat sa ika-17, 18 at 30.

Taurus (April 20 – May 20)

Matagal ka nang parang may dinaramdam. Ngayon ay makikita mo na kung bakit. Kung kalusugan, malalaman mo ang dahilan at magagawan mo ito ng solusyon. Kung tungkol sa puso, lilinaw na ang lahat. Kung sa pera, darating ang hinihintay mong kita. OK ang ika-17, 18, 26 at 27. Ingat sa ika-19, 20 at 21.

Gemini (May 21 – June 20)

Kumplikado talaga ang pag-ibig. Kung may mga oras na nalilito ka kung nasaan ang inyong relasyon, manahimik ka na lang muna. Huwag mo nang palalain pa. Huwag ka ring aasa sa imposible. Maging makatotoo ka at makikita mo ang katahimikan. OK ang ika-19, 20, 21, 28 at 29. Ingat sa ika-16, 22 at 23.

Cancer (June 21 – July 22)

Wala kang problema sa iyong trabaho. Masipag ka at alam mo ang ginagawa mo. Sapat na iyon upang pakinabangan mo ang hanapbuhay. Mag-ingat ka sa mga tao na aayain kang maglagay ng puhunan sa bagong negosyo. Bantayan mo rin ang kalusugan. OK ang ika-22, 23 at 30. Ingat sa ika-17, 18, 24 at 25.

Leo (July 23 – Aug. 22)

May matinding atraksyon kang nararamdaman sa isang tao na bago mo pa lang nakikilala. Malamang ay nararamdaman din niya ito para sa iyo. Kung single ka, hayaan mong yumabong ang inyong pagiging magkaibigan at kilalanin mo muna siya ng husto. OK ang ika-16, 24 at 25. Ingat sa ika-19, 20, 21, 26 at 27.

Virgo (Aug. 23 – Sept. 22)

Huwag sanang manghihina ang loob mo kung hindi natutupad agad ang mga plano. May mga bagay na haharang sa tagumpay ng mga nais mong gawin. Habaan mo ang pasensya. Palipasin mo ang buwan ng Abril. Buwenas ang mga susunod na buwan. OK ang ika-17, 18, 26 at 27. Ingat sa ika-16, 22, 23, 28 at 29.

Libra (Sept. 23 – Oct. 22)

Iwasan mong pumasok agad sa isang relasyon lalo na kung hindi ka sigurado. Huwag kang padadala sa buyo ng mga nakapaligid sa iyo. Hindi ka mauubusan ng magiging ka-partner mo sa buhay. Kung “reto” ng kaibigan, huwag kang magpa-pressure. OK ang ika-19, 20, 21, 28 at 29. Ingat sa ika-17, 18, 24, 25 at 30.

Scorpio (Oct. 23 – Nov. 21)

Kung nasasaktan ka kapag pinapansin niya ang iyong timbang o itsura, baka oras na para maghanap ka ng iba. Kung ang basehan ng romansa ay pisikal na anyo, di ba parang ang “babaw” naman niya? Gusto mo bang palagi ka niyang iniinsulto? Di tama iyon. OK ang ika-22, 23 at 30. Ingat sa ika-19, 20, 21, 26 at 27.

Sagittarius (Nov. 22 – Dec. 21)

Parang may napipisil ka na para sa magiging partner mo pero may duda pa rin sa puso mo kung siya na nga ba ang magpapaligaya sa iyo. Kung hindi mo makalimutan ang nagdaang karelasyon at lagi kang nagkukumpara, baka nga hindi pa tama ang panahon. OK ang ika-16, 24 at 25. Ingat sa ika-22, 23, 28 at 29.

Capricorn (Dec. 22 – Jan. 19)

Nagsasawa ka na sa tabaho mo at talagang gusto mo nang maghanap ng iba para sa kabuhayan. Pero, madali ka kayang makakakuha ng kapalit sa hanapbuhay mo ngayon? Mahalin mo muna ito dahil napakahirap humanap ng ibang trabaho ngayon. OK ang ika-17, 18, 26 at 27. Ingat sa ika-24, 25 at 30.

Aquarius (Jan. 20 – Feb. 18)

Mag-focus ka para mapabuti ang iyong kalusugan. Kung naghihina ka, baka kulang ka sa tulog at tamang pagkain. Ayusin mo ang iyong mental health, kadalasan ang mga nararamdamang sakit ay dahil lamang sa magulong sitwasyon ng emosyon. Mag-meditate ka. OK sa ika-19, 20, 21, 28 at 29. Ingat sa ika-26 at 27.

Pisces (Feb. 19 – March 20)

Ayusin mo ang iyong pisikal na kaanyuan. Piliin mo ang iyong damit na tama para sa iyong edad. Mahirap pagtiwalaan ang isang tao na kakaiba ang itsura. Mahalaga ito lalo na kung may mga bago kang kakilala na inaasahan mong tutulong sa iyong negosyo o proyekto. OK ang ika-22, 23 at 30. Ingat sa ika-16, 28 at 29.

More Articles ...