• Krosword ni Gerry Gamurot
    Eh Kasi, Pinoy!

    Krosword

    ni Gerry Gamurot
  • Building Science by Norman Aceron Garcia
    Features

    Building Science

    by Norman Aceron Garcia

Published on

Hinagap ni Paquito Rey Pacheco

Mahirap Hulaan

Ang nilalakarang lansangan ng tao,
Kung ano ang dulot mahirap mapiho;
Manigo at hindi bunga ng motibo,
Malalaman lamang pagsapit sa dulo!

***

Kusang pangyayari, maganda at pangit,
Na isang pagsubok sa silong ng langit;
Kaparis ay tuksong malimit sumingit,
Na ang sinisira’y wagas na pag-ibig!

***

Dito sa daigdig ng katotohanan,
Lahat naman tayo’y hubad nang isilang;
Ang taglay na handog ng kinabukasan,
Larawang malabo, mahirap hulaan!

***

Marami ang busog sa mga pangarap,
Subalit ang kulang ay pagsusumikap!

 

Paquito Rey Pacheco