• Krosword ni Gerry Gamurot
    Eh Kasi, Pinoy!

    Krosword

    ni Gerry Gamurot
  • Building Science by Norman Aceron Garcia
    Features

    Building Science

    by Norman Aceron Garcia

Published on

Pilantik ni Paquito Rey PachecoMarso 1-15, 2017

ni Paquito Rey Pacheco

  MARCOS-PLAQUE
 
Paquito Rey Pacheco receives the Presidential Plaque of Merit from Ferdinand Marcos in recognition of his efforts to promote the administration’s rice and corn self-sufficiency program. August 29, 1967.
     PACHECO-MARCOS

May 33 hours na legislature sit-in sa Manitoba Legislature si LP MLA Cindy Lamoureaux. Inuusisa ang ayon sa kaniya ay waring hindi patas na pakikitungo ng gobyernong Pallister sa mga prospective immigrants. Partikular na tinukoy ang waring discriminatory treatment sa Filipino-Canadian Community ng Manitoba. Opo naman, kailangang pantay.


Maraming nakakapasok na refugee sa Canada through the Manitoba border. Ang mga opisyal doon ay nananawagan ng tulong sanhi sa pagdagsa ng mga refugee na nagsitawid mula sa US.


Sanhi ng kampanya against undocumented workers sa US ng Trump administration, marami ang malamang mapabalik sa kani-kanilang mga bansa. Kabilang ang mga Filipinong TNT na mawawalan ng hanapbuhay.

Pilipinas

Nakakabahala ang kalagayan ng Pilipinas na maaaring masangkot na naman sa giyera sakaling magkasukatan ng lakas ang China at America. Kailan lang, ang kanilang war planes ay halos magkabanggaan sa kaitaasan ng West Philippine Sea. Ang problema ay dapat nang talakayin ng mga bansang kasapi sa ASEAN. Hanapin ang kaukulang solusyon na nagbabanta sa kaguluhang maaaring maganap sa nabanggit na teritoryo.


Tinuturing ko po na tanging karangalan at pambihira na ako ang kaunaunahang radio broadcaster na nahilingang magradyo noon, tatlong araw mula nang ideklara ang matrial law o batas-militar.

Samantalang si dating Information Secretary Kit Tatad ay nagbabasa ng Presidential Decree, ang aking programa sa DZFM ay narinig noong Setyembre 1972 ng ating mga kababayan, halos sa buong Luzon.

Si dating Congressman Jose Aspiras umano ang may ideya. Ako’y pinasundo sa bahay para mag-radyo dahil ang aking programa daw ay pangkabuhayan. Hindi raw dapat puro Presidential Decree ang naririnig noon sa radio.


Sa kabila naman ng sinasabing bloody drug war, patuloy pa rin ang suporta ng mayoryang bilang ng mga Filipino sa kampanya ng DU30 Administration against illegal drug trade. Marami na rin ang mga Filipinong hindi nasisiyahan sa uri ng pinaiiral demokrasya sa bansa. Mismong ang mga opisyal ng gobyerno at mga nasa pribadong sektor ay lumalabag sa Batayang-batas ng bansa.

Halimbawa ang separation of powers by the State and the Church. Si former president at ngayo’y Mayor Estrada ng Maynila ay maliwanag na naging biktima.

Simula pa sa pagkampanya for president, siniraan na si Erap ng ilang Pari at Bishop na noon ay pinagunahan ni Cardinal Sin. Naglunsad ng mga kilos protesta. Napatalsik si Erap bilang pangulo pagkaraan ng mga tatlong taon sa poder. Pinapayagang makaalis sa Pilipinas, pero pinili ni Erap ang bilangguan. Makabayan at makamahirap. Ang VP noon, si Gloria Macapagal Arroyo ang nanungkulang pangulo na tumagal nang halos siyam na taon. Nakonsiyensia si Gloria at pinalaya si Estrada.

Now, possible that “history may repeat itself.” Si Rody ang puntirya ng kaniyang mga kalaban. Kunwari ay tinutulungan subalit sinisira ang kaniyang liderato. Ano ang motibo? Hindi kaya para mapatalsik sa katungkulan ang pangulo? Ang papalit ay alam n’yo na kung sino.


Tagumpay umano ang kilos protesta na ginanap noong ika-18 ng Pebrero. Pinangunahan ng mga opisyal ng Simbahang Katoliko at malayang NGOs laban sa illegal drug trade ng gobyernong DU30.

Partikular na pamutak ang EJK isyu ng tinaguriang “Walk of Life.” Ang mga alagad ng -Simbahang Katoliko ng Pilipinas umano ay hati rin naman sa isyu. Fifty percent ay hindi lang daw kumikibo.

Noong ika-23 ng Pebrero, nabalita na ang Santo Papa Francis ay nagsabing “Better to be an atheist than a hypocritical Catholic.” Ang muling pilantik ay tiyak na patama na naman sa mga Pari at Obispo na sila mismo, na ang kanilang tinuturo ay hindi nila ginagawa.

Katas

Tungkol sa mga planong pangkabuhayan ng gobyernong DU30, nabanggit na itutuloy ang nagtagumpay na Masagana 99 at Biyayang Dagat programs during Marcos era. Sanhi sa masaganang ani, nagkaroon ng kasapatan sa bigas ang bansa at nakapag-export pa.

  • Madaling sabihin at mangako subalit ang plano ay malinaw at malabo. Malinaw kung may sapat na pondo ang gobyerno.
  • Ang former at unang Executive Secretary, Rafael Salas ang utak sa tagumpay ng rice self-sufficiency program noong panahon ng Marcos-Lopez administration.
  • The Rural Broadcasters Council of the Philippines na aking pinamunuan noon ang nanguna sa information campaign for Masagana 99 rice production program.
  • Ang mga broadcasters ng RBCP ay pinag-aral namin noon sa Philippine International Rice Research Institute (IRRI), Los Banos.
  • Sa buong Pilipinas, from 5 a.m. to 6 a.m., Mondays to Fridays, ‘yon lang ang maririnig.
  • Sila ang nagtuturo through radio broadcast sa mga magsasaka kung paano nila mapapaunlad ang kanilang harvest.
  • Tungkol sa Biyayang Dagat, hindi gaanong komplikado. Pautang na pambili ng mga bangka at ibang gamit ng mangingisda ang susi ng tagumpay.

Sa totoo lang, napabayaan ng sumunod na mga administrasyon ang dalawang nabanggit na mahalagang pangkabuhayang proyekto.

Kasabihan

Hindi lang maliit na bagay, tao man, kung kailangan ay madaling matagpuan.

Paunawa: Ang mga paksa at salitang nakasaad sa Pilantik ay sariling opinion ng may-akda at maaaring hindi opinion ng mga taga-lathala ng Pilipino Express.

Have a comment on this article? Send us your feedback